Манай улсын гадаад худалдааны нийт бараа эргэлт  2010 оны 2 дугаар сарын 15-ны байдлаар 427.1 сая ам.доллар, үүнээс экспорт 221.6 сая ам.доллар, импорт 205.5 сая ам.доллар боллоо.   
  Гадаад худалдааны тэнцэл  2010 оны 2 дугаар сарын 15-ны байдлаар 16.1 сая ам.долларын ашигтай гарсан байна.
  Нийт экспортод  зэсийн баяжмал 37.5 хувийг, нүүрс 18.2 хувийг, цайрын хүдэр, баяжмал 8.4 хувийг, боловсруулаагүй нефть 8.2 хувийг, боловсруулаагүй буюу хагас боловсруулсан алт 6.5 хувийг, төмрийн хүдэр 3.2 хувийг,  хайлуур жоншны хүдэр, баяжмал 2.4 хувийг, самнасан ноолуур 1.5 хувийг, үлдсэн 14.1 хувийг экспортын бусад бүтээгдэхүүн эзэлж байна.
  1 т зэсийн баяжмалын үнэ 2010 оны 1 дүгээр сард 1250.9 ам.доллар байсан бол 2010 оны 2 дугаар сарын 15-ны байдлаар дунджаар 1267.4 ам.доллар болж,  2010 оны 1 дүгээр сарынхаас 16.5 ам.доллар буюу 1.3 хувиар өслөө.
  1 т цайрын баяжмалын үнэ 2010 оны 1 дүгээр сард 1195.0 ам.доллар байсан бол 2010 оны 2 дугаар сарын 15-ны байдлаар дунджаар 1188.7 ам.доллар болж,  2010 оны 1 дүгээр сарынхаас 6.3 ам.доллар буюу 0.5 хувиар буурлаа.
  Автобензиний импорт 2010 оны 1 дүгээр сарынхаас биет хэмжээ 6.3 мянган тонн, үнийн дүн нь 4.5 сая ам.доллараар; гурилын импортын биет хэмжээ 3.3 мянган тонн, үнийн дүн 0.8 сая ам.доллараар; суудлын автомашины импортын биет хэмжээ 533 ширхэг, үнийн дүн 3.8 сая ам.доллараар тус тус өссөн байна...

Та дэлгэрэнгүй мэдээллийг ЭНД ДАРЖ үзнэ үү.