2010 оны 6-р сарын 30-ны байдлаар Улаанбаатар хотын хүнсний зах, дэлгүүрт худалдаалагдаж байгаа хүнсний гол нэрийн барааны үнийг дүнгээр нь өмнөх 5-р сарын дундаж үнэтэй харьцуулахад 3.8 хувь, өмнөх 7 хоногийнхоос 3.9 хувиар тус тус буурсан байна.
  Махны дундаж үнэ: 2010 оны 6-р сарын 30-ны байдлаар хонины махны үнэ өмнөх 5 дугаар сарын дундаж үнээс 6.0-10.2 хувь, үхрийн махны үнэ 3.1-3.3 хувь, адууны махны үнэ 2.6 хувиар буурсан бол ямааны махны үнэ 6.6 хувиар өсчээ.
  Өмнөх 7 хоногийн дундаж үнэтэй харьцуулахад хонины махны үнэ 7.0-8.8 хувь, үхрийн махны үнэ 1.9-4.2 хувь, адууны махны үнэ 2.9 хувиар буурсан бол ямааны махны үнэ харьцангуй тогтвортой байна.
  2010 оны 6-р сарын 30-ны байдлаар 1 кг хонины /ястай/ махны үнэ дунджаар 4811 төгрөг, үхрийн мах/ястай/ – 5388 төгрөг, ямааны мах - 3775 төгрөг, адууны мах – 3886 төгрөг, хонины цул мах – 4729 төгрөг, үхрийн цул мах – 5822 төгрөгийн үнэтэй байна (Зураг 1,2).
  Гурилын үнэ: 2010 оны 6-р сарын 30-ны байдлаар гурилын үнийг өмнөх 2010 оны 5 дугаар сарын дундаж үнэтэй харьцуулахад дотоодын “Алтан тариа”-н задгай дээд гурилын үнэ 0.8 хувь, 2-р зэргийн гурилын үнэ 0.3 хувиар өссөн бол “Алтан тариа”-н задгай 1-р зэргийн гурилын үнэ 1.3 хувь, “Алтан тариа”-н савласан дээд гурилын үнэ 1.3 хувь, 1-р зэргийн гурилын үнэ 2.5 хувь, 2-р зэргийн гурилын үнэ 1.2 хувиар буурчээ. Харин импортын гурилын хувьд Хятад дээд гурилын үнэ 0.7 хувиар буурсан байна. “Алтан тариа”-н савласан дээдийн дээд гурилын үнэ болон импортын бусад гурилын үнэ тогтвортой байна...
  Өмнөх 7 хоногийнхтой харьцуулахад дотоодын “Алтан тариа”-н савласан дээд гурилын үнэ 0.7 хувь, 1-р зэргийн гурилын үнэ 2.0 хувь, 2-р зэргийн гурилын үнэ 0.4 хувь, импортын хятад дээд гурилын үнэ 0.7 хувиар буурчээ. Бусад гурилын үнэ харьцангуй тогтвортой байлаа (Зураг 3, 4).

Та танилцуулга болон хавсралтын дэлгэрэнгүйг ЭНД ДАРЖ үзнэ үү.