НҮБ-ын Европын Эдийн Засгийн Комиссын Статистикийн хэлтсийн дарга хатагтай Лидиа Братанова болон Европын Чөлөөт Худалдааны Ассоциацийн Статистикийн газрын дарга ноён Габриал Гамез нар 2010 оны 07-р сарын 07-ны  өдөр Монгол Улсын ҮСХ-нд айлчлал хийж, ҮСХ-ны удирдлагуудтай уулзлаа. Уулзалтын үеэр байгууллага тус бүрийн  үйл ажиллагааны талаарх танилцуулга хийж, ҮСХ, НҮБЕЭЗК болон ЕЧХА хоорондын хамтын ажиллагааныхаа талаар санал солилцлоо. Айлчлал 7-р сарын 12-ны өдөр хүртэл үргэлжлэх бөгөөд айлчлалын хүрээнд төлөөлөгчид “Үндэсний тооцооны систем ба түүний хэрэгжилт, үндэсний тооцоонд глобалчлалын үзүүлж буй нөлөө” сэдвээр сургалт семинар хийх юм...