2010 оны 7 дугаар сарын 15-ны байдлаар манай улсын гадаад худалдааны нийт бараа эргэлт  2815.9 сая ам.долл, үүнээс экспорт 1367.2 сая ам.долл, импорт 1448.7 сая ам.долларт хүрч, нийт бараа эргэлтийн хэмжээ өмнөх оны мөн үеийнхээс 1002.2 сая ам.долл буюу  55.3 хувь, үүний дотор экспортын хэмжээ 511.0 сая ам.долл буюу 59.7  хувь, импортын хэмжээ 491.2 сая ам.долл буюу 51.3 хувиар өсчээ.   Гадаад худалдааны тэнцэл  2010 оны 7 дугаар сарын 15-ны байдлаар 81.5 сая ам.долларын  алдагдалтай гарсан нь өмнөх оны мөн үеийнхээс 19.7 сая ам.долл буюу 19.5 хувиар буурчээ.
  Нийт экспортод  зэсийн баяжмал 29.8 хувь, нүүрс 23.1 хувь, боловсруулаагүй буюу хагас боловсруулсан алт 8.2 хувь, төмрийн хүдэр 6.9 хувь, бохир ноолуур 6.8 хувь, боловсруулаагүй нефть 5.7 хувь, цайрын хүдэр, баяжмал 5.0 хувь, хайлуур жоншны хүдэр, баяжмал 2.3 хувь, молибдений хүдэр, баяжмал 2.0  хувь, самнасан ноолуур 1.5  хувь, үлдсэн  8.7  хувийг экспортын бусад бүтээгдэхүүн эзэлж байна.
  Автобензиний импортын биет хэмжээ өмнөх оны мөн үеийнхтэй харьцуулахад 8.1 мян.тонноор буурч, үнийн дүн 35.2 сая ам.долл, дизель түлшний импортын биет хэмжээ 35.8 мян.т, үнийн дүн 62.3 сая ам.долл, ачааны автомашины импортын биет хэмжээ 2028 ш, үнийн дүн 50.4  сая ам.долл, суудлын автомашины импортын биет хэмжээ 4945 ш, үнийн дүн  21.5 сая ам.доллараар тус тус өссөн бол гурилын импортын биет хэмжээ 15.1 мян.т, үнийн дүн 8.3 сая ам.долл, янжуурын импортын биет хэмжээ 133.2 сая ш, үнийн дүн 0.6 сая ам. доллараар  тус тус буурсан байна...

Та дэлгэрэнгүй мэдээллийг ЭНД ДАРЖ үзнэ үү.