2010 оны 7-р сарын 28-ны байдлаар Улаанбаатар хотын хүнсний зах, дэлгүүрт худалдаалагдаж байгаа хүнсний гол нэрийн барааны үнийг дүнгээр нь өмнөх 6-р сарын дундаж үнэтэй харьцуулахад 11,5 хувь, өмнөх 7 хоногийн дундаж үнэтэй харьцуулахад 1.6 хувиар буурсан байна.
  Махны дундаж үнэ: 2010 оны 7-р сарын 28-ны байдлаар хонины махны үнэ өмнөх 6 дугаар сарын дундаж үнэтэй харьцуулахад 21.1-23.0 хувь, үхрийн махны үнэ 14.5-21.0 хувь, адууны махны үнэ 26.4 хувь, ямааны махны үнэ 19.7 хувиар тус тус буурчээ.
7-р сарын 21-ний үнэтэй харьцуулахад хонины махны үнэ 3.2-3.7 хувь, үхрийн ястай махны үнэ 2.3 хувь, адууны махны үнэ 6.1 хувь, ямааны махны үнэ 3.7 хувиар тус тус буурсан байна. Харин үхрийн цул махны үнэ 0,7 хувиар өсчээ.
  2010 оны 7-р сарын 28-ны байдлаар 1 кг хонины /ястай/ махны үнэ дунджаар 4022 төгрөг, үхрийн мах/ястай/ – 4550 төгрөг, ямааны мах - 3140 төгрөг, адууны мах – 3060 төгрөг, хонины цул мах – 4143 төгрөг, үхрийн цул мах – 5225 төгрөгийн үнэтэй худалдаалагдаж  байна (Зураг 1,2).
  Гурилын үнэ: 2010 оны 7-р сарын 28-ны байдлаар гурилын үнийг өмнөх 2010 оны 6 дугаар сарын дундаж үнэтэй харьцуулахад “Алтан тариа” ХХК-ийн задгай дээд гурилын үнэ 4.5 хувь, 1-р зэргийн гурилын үнэ 5.5 хувь, 2-р зэргийн гурилын үнэ 1.6 хувь, “Алтан тариа” ХХК-ийн савласан дээдийн дээд гурилын үнэ 1.8 хувь, дээд гурилын үнэ 1.8 хувь, 1-р зэргийн гурилын үнэ 1.9 хувь, Орос дээд ба 1-р зэргийн гурилын үнэ 0.6-5.6 хувь, хятад дээд гурилын үнэ 0.5 хувиар тус тус буурсан бол “Алтан тариа” ХХК-ийн савласан 2-р зэргийн гурилын үнэ 0.6 хувиар өссөн байна...

Та танилцуулга болон хавсралтын дэлгэрэнгүйг ЭНД ДАРЖ үзнэ үү.